من ابداعات العضوه الجديده ويانه
RERATI
طلبتك بالفرح ماجيت مرة وياي
ومن ردتك دمع شحيت من عيني
مااستعطي منك حقي اطالب بيه
دينتك فرح يمتة ترد ديني
شتريد اعتبرها وكول كلشي تكول
مسودن واخذني بكد سواديني
كلي بيا طريقة وياك افض بلواي
ومن ارد ابتعد عنك ما تخليني
رسيني علة حالة وكلشي منك خير
بس المهم مرة وياك رسيني
حسبت سنين عمري البيهة مرني الشوك
ومن بيك عفتهن ضاعن سنيني
___________________________________________________________________________
راح تروح
كلي شراح اكلك وانت راح تروح وليش تلح علية وتنتظر ردي
هذا لسان حالي دموعي تحجي وياك وراح اسكت واحجي دموعي البخدي
واسولف بالدمع واتوسلك عبرات اود بشوفك اشبع واحتفل ودي
ظل وياي اريدك والبقن جم يوم وهل الجم يوم صارن حدك وحدي
خليني ارد اشوفك كمت احسك طيف وياعين التكض الطيف اليعدي
صرفنة سنين حبنة وخلصن تبذير وعلى يوم النشوفك باجر نجدي
اخذني وياك اريدك ما اريد الغير وكون بسدك اكعد واكعد بسدي
لتخليني وحدي مني
__________________________________________________________________________
حبيبي لخاطرك جيتك تلگاني
وانه شوصف محبتك يعجز لساني
يا زهرة شبابي وفرحتي بدنياي
يا اول جدم عالدرب مشاني
طبع بيه الضعف وگبال كل الناس
اذا اشوفك تجي تتغير الواني
احبك حد گطع نفسي واغار عليك
واخاف تمر عليك ايام تنساني
واني ادري بوفائك تختلف يازين
بس شوف القلق ليوين وداني
اذا دمعي نهر ابچيه كله عليك
وخلي الروح دوم بعدك تعاني
حبيبي انت وصديقي وادعي من الله
ينطيني واني بحبك عمر ثاني
واذا مريت صدفه وما الحگ بيك
ابوس تراب جدمك لو تعداني
__________________________________________________________________[b]
الثلاثاء 16 سبتمبر - 12:48:38